Проверка на EURO стандард

EURO (European emission standards) Европските стандарди за емисија или скратено  EURO стандарди, се пропишани од страна на Европската унија и ги дефинираат прифатливите граници за емисија на издувни гасови и ги поставуваат максималните граници за емисија на штетни честички на возилата во движење. Стандардите за емисија се дефинирани во серија прецизни и стриктни директиви, во кои се предвидува прогресивно воведување на сè построги правила кои се применуваат кај новите возила што се продаваат во земјите членки на Европската унија.

Законот за возила пропишува задолжителна проверка на издувните гасови при прегледот на техничката исправност на возилата.

Во моментов на сила е EURO 6 стандардот. Максималните вредности на емисија на микро честички и азотни оксиди на овој стандард се уште пониски од претходниот EURO 5 стандард.

Во нашата држава не е можен увоз на возила со понизок еколошки стандард од EURO 4.

Доколку сакате да увезете возило од странство, овој документ ви е потребен и за утврдување на данокот на моторно возило според СО₂ издувните гасови.